O INORDE, dentro do seu Programa de Cooperación, accede ós países da am­pliación europea co proxecto Un país, Unha oportunidade. Baseamos a nosa estratexia nos seguintes indicativos:

A situación estratéxica de Bulgaria, Estonia e Lituania que poden ser a porta a outros mercados como Rusia, Turquía ou Oriente Medio; a ubicación de Letonia no centro da rexión báltica e o acceso a corredores de transporte son factores que facilitan o desenvolvemento de centros de distribución de carga ó norte de Europa e os mer­cados das antigas repúblicas soviéticas; e Eslovaquia que sería a ligazón directa con Austria, Alemania e Ucrania. Hungría é o segundo país de Europa -tras Islandia- en número de fontes termais; ademáis de que a súa capital, Budapest, foi elexida en xuño de 2008 como sede do Instituto Europeo de Innovación e Tecnoloxía (IEIT), un proxec­to da Comisión Europea creado para fomenta-la excelencia en materia de investi­gación e innovación. A República Checa está considerada como un dos países máis desenvolvidos dos novos países da ampliación, de feito é un dos que máis gasto destina ó I+D en Europa. Polonia é o país que recibirá máis fondos para os seus proxectos de desenvolvemento e destaca polo feito de organizar a Eurocopa de Fútbol 2012, o que xera unhas enormes oportunidades de negocio na construción de estradas, vías de ferrocarril, infraestruturas de deporte e outros sectores relacionados.

En todos estes países, o INORDE conta cun punto de contacto e socio, que servirá de ligazón ós empresarios que nun futuro se decidan a exportar a eses países:

• En Romanía, que foi o primeiro país que visitou a nosa provincia, conta­mos con Mihaela Goj, experta en desenvolvemento de negocios da Axencia de Desenvolvemento Rexional de Bucarest-Ilfov (ADRBI).

• En Bulgaria, Mariana Petrova, xerente de proxectos internacionais do Cen­tro Europeo de Xestión de Proxectos da capital búlgara, Sofía.

• En Hungría, Mate Zsolnai, do Grupo Fatimex e experto do parlamento hún­garo.

• En República Checa, Jiri Kocanek, enxeñeiro e xerente do grupo Promaco.

• En Eslovaquia, o Dr. Štefan Vratny do Centro de Innovación e Negocio de Bratislava.

• Na Área metropolitana de Budapest, Andrea Somogyi, directora da oficina de asuntos europeos da cidade de Budapest.

• En Polonia, contamos co noso socio en proxectos europeos, PART, Axen­cia Polaca de Turismo.

• En Letonia, o noso socio é a Asociación de Industrias da Enxeñería de Lituania (LINPRA)

• En Lituania,  e Estonia, peche de misión en xullo.

     Este proxecto estrutúrase en dúas fases, a primeira delas será unha misión de aproximación na que 6 ou 7 expertos seleccionados polos nosos contactos neses países, manterán un primeiro Encontro Bilateral en Ourense, para logo coñecer como é o noso tecido empresarial: Parque Tecnolóxico de Galicia, Polígonos empre­sariais e demáis demandas doutros puntos da provincia.

Nunha segunda fase, estas ligazóns buscan as posibilidades nos seus países coñe­cendo as potencialidades das empresas ourensanas, o que se materializará nunha misión empresarial a finais de 2009 principios de 2010.

                                       Os sectores representados: