As tempadas noites de primavera e verán no castelo, e nas estreitas rúas do conxunto histórico e nas porticadas prazas abertas ó río, permiten apreciar belas formas do trazado medieval, onde pazos, templos e xardíns sucédense, mentres o viño a música, o teatro e as festas fan de Ribadavía un pobo cheo de ledicia e culto, deixando paso no inverno a un fresco e suave sono branco, idóneo para espíritos románticos e aventureiros.

HISTORIA E ARTE. Ribadavía foi testemuña da presencia de moitos pobos e civilizacións que dende tempos remotos colonizaron este terreo. Proba disto son os valiosos restos que

Despois do século XII comeza a expansión económica e demográfica de Ribadavia e do ribeiro, potenciase polo asentamento de diversas ordes relixiosas e a producción e comercialización do viño, moi apreciado pola igrexa e a realeza. No ano 1164 Fernando II concédelle a Ribadavia o "Foro Real", privilexio o que se unira a influencia exercida polos mosteiros de San Clodio, Melón e Oseira, así coma pola maior parte das ordes relixiosas e bispados de Galicia, que posúen importantes propiedades e viñedos nesta comarca.

Tamén prosperou na vila unha importante comunidade hebrea, agrupándose nas rúa, prazas e travesías, o redor da Porta Nova, chegando a formar unha das maís famosas xuderías de Galicia.

A súa principal actividade económica basase no comercio do viño, e o desenvolvemento de oficios artesáns, mantendo bos contactos con xuderías europeas, como foron as de Amsterdam, Venecia e Baiona (Francia).

No século XVI Ribadavia era coñecida internacionalmente polo viño, que exportábase a Europa, sendo moi apreciado polos ingleses que o cotizaban coma un dos maís caros de España.

É entre os séculos XVI e XVII cando prodúcese un grao de esplendor de Ribadavia e do ribeiro. Tanto a nobreza como o clero estenderon os seus brazos por todala comarca e a comercialización do viño alcanzou moitas cifras, deixando unha riqueza considerable no país, convertendo esta zoa nunha da maís prósperas de Galicia.

A esta época pertencen importantes construccións da vila e do ribeiro. O viño considerado coma un dos mellores de Europa, coma dicía Cervantes na súa obra "El licenciado Vidreira", cando fai que o seu personaxe congratulase de atópalo nunha fonda de Xénova.

Moitos son os monumentos e lugares de interese que posúe Ribadavía, declarada conxunto histórico-artístico no 1947.

Rodeada de soberbios paraxes a capitalidade do ribeiro manifesta todo o seu esplendor nos seus monumentos e paisaxes, que deleitan ó visitante cunha exquisita arquitectura e natureza.

Entre os seus monumentos destacan:

Castelo dos Sarmiento: manifestación militar que pertenceu ós Condes de Ribadavia e que foi construído no século XV. No seu interior conservase unha importante necrópole de pedra do século IX-XII. Posúe unha boa vista panorámica.

Muralla: rodeaba a vila e conservase con todo o seu esplendor a Porta Nova, a Porta Falsa o Postigo con saída ó rio Avia e a Porta da Cerca sita no frontal do castelo.

Tamén consérvanse magníficas construccións relixiosas:

Igrexa de Santiago do século XII: é unha bela manifestación do románico popular galego da transición ó gótico. No seu interior destaca a imaxe dun Santiago Sedente de Pedra do século XIV pertencente a escola do Mestre Mateo. Tamén é soberbia a súa fachada e os elementos artísticos das portas e fiestras. Esta igrexa tivo privilexios especiais chegando a sela principal parroquia da poboación.

Igrexa de San Xoán: construída a finais do século XII, destaca pola súa sinxeleza e orixinalidade, así coma pola rica ornamentación dos canecillos e fiestras. O seu interior é dun románico inalterado con bóveda de canón. Conserva casa rectoral e o antigo edificio onde estaba instalado o hospital da Orde de San Xoán de Xerusalén´en.

Santa María de Oliveira: coñecida antigamente por "Santa María do Burgo" por estar sita fora das murallas. O templo foi construído no século XII e doado o mosteiro de Oseira por Fernándo II no 1164. Destaca o arco oxival da fachada e un belo cruceiro no atrio.

Igrexa da Madalena: coñecida antigamente por "Parroquia de San Xes", ten a súa orixe no século XII, aínda ca actual edificación é do século XVIII.

Conxunto monumental de Santo Domingo: É a manifestación artístico-relixiosa maís impresionante da vila, declarado monumento nacional no 1931. Está formado pola igrexa Conventual de Santo Domingo e a Igrexa da Virxe do Portal. A igrexa constitúe unha soberbia mostra do gótico Mendicante en Galicia. Conserva boas mostras do arte sepulcral dos séculos XII ó XVI, capiteis historiados e un anxo gaiteiro en pedra o único en Galicia.

O ex-convento, de fachada neoclásica e arquitectura gótica, foi o segundo asentamento fundado polos dominicos en Galicia, atribuíndo a súa construcción a San Pedro Telmo e Frei Pedro das Mariñas. Na actualidade adicase a asilo de anciáns.

A igrexa da Virxe do Portal acolle a imaxe da patroa do Ribeiro. Posúe un fermoso retablo do 1737 e ten pinturas na cúpula.

Convento franciscano de San Antonio:fundado no 1610 foi a terceira comunidade en importancia da Orde en Galicia. É de estilo barroco e conserva no seu interior un admirable retablo e unha cruz procesional do 1618.

Outros lugares de interese histórico-artístico de obrigada visita son:

Capela de San Lázaro: Século XII. Posúe un fermoso escudo da Orde do Cister na fachada. Antigamente foi parte dun hospital de leprosos que pertenceu ó mosteiro de Melón.

Pazo dos Condes de Ribadavia: Sito na Praza Maior, é un fermoso palacio barroco con patio interior de soportais e un gran blasón condal na fachada. Na actualidade boa parte do edificio utilizase como Oficina de Turismo.

Torre dó Campanario: Xunta ó concello foi construída no 1555, posúe unha artística fachada con reloxo de sol do 1733 e os antigos brasones da vila, amais do fermoso forxado da campá.

Casa da Inquisición: É outra artística construcción do século XVI, con belos brasóns que pertenceron a importantes familias galegas.

En todo este mundo de pedra tamén é posible observar pintorescas vistas do rio Avia e dos viñedos, dende a Praza Buxán, ou paseando por Extramuros. Boa e apetecible panorámica tamén é a que pode disfrutar na confluencia do rio Avia co Miño, próxima á Porta Nova.

Museo Etnolóxico de Ribadavia: sito no antigo pazo dos Bahamonde, constitúe un dos museos maís interesantes de Galicia Nel pódese contemplar pezas e exposicións sobor da historia e da cultura tradicional galega. Alberga unha importante colección de cerámica tradicional galega.

Rectoral de San Andrés: esta rectoral é unha soberbia edificación barroca utilizada para a elaboración do viño dende moi antigo. Pronto acollerá ó Museo galego dó viño con importantes fondos e exposicións sobor da evolución histórica da viticultura en Galicia e especialmente no Ribeiro. Posúe lagares e bodegas subterráneas.

Igrexa de San Xes: Sita no Val de Francelos trátase dun exemplar único dentro da arquitectura prerrománica do século IX, con influencias visigóticas e asturianas.

Igrexa de San Cristobo: Sita no pobo de San Cristobo é un dos edificios maís representativos da orde dos Templarios na provincia. Románico do século XII.

Igrexa de San Paio: Doada por Fernando II os monxes de Oseira, hoxe trátese dun belo exemplar barroco con casa rectoral e fermosas vistas ó lago de Ventosela. Está no pobo de San Paio.

Igrexa de Santa Mariña:sita en Esposende, esta igrexa románica conserva varios canecillos de tipo erótico.

Casa Herminia: atópase no Barrio xudeu preto do Papuxas. Trátase dunha casa tradicional con forno antigo (século XIX) onde é posible degustar doces hebreos e melindres (manxar que non se pode deixar de probar) e os ricos licores caseiros.

Conde: reposteiro de sempre en Ribadavia. Elabora o mais tradicional dos productos de repostería: rosquillas, melindres e amendoados de Ribadavia.

Dentro da gastronomía tradicional, hai que destacar o pez de rio, a anguila e a troita. Pementos de Arnoia, empanada de bacallao con pasas, anguilas e xoubas; lacón con grelos e cocido galego.

Repostería Típica: Rosquillas, melindres, amendoados, cañas e doces hebreos.

Viños: Brancos e tintos da Comarca do ribeiro. É a denominación de orixe maís antiga de Galicia.

Artesanía: Talla de madeira, forxa e traballos en pedra.

Feira do viño do Ribeiro:De interese turístico, celebrase a finais da abril e primeiros de maio. É a maís importante manifestación vinícola do ribeiro e de Galicia, durante o cal as bodegas expoñen e dan a degustar os seus viños. Ten numerosas actividades paralelas.

Mostra internacional do Teatro: celebrase durante a segunda quincena de xulio, numerosos grupos de teatro de todo o mundo fan de Ribadavia a capitalidade do teatro de Galicia.

Festa da Istoría:De interese turístico. Trátase dunha manifestación cultural única en España na que se exalta a historia de Ribadavía. Esta festa medieval é organizada polo pobo para rememorar o seu glorioso pasado na que a moeda oficial é o Maravedí e existen numerosas actividades da época.

Celébrase a finais de agosto ou primeiros de setembro.

Festa do Portal:celébrase a comezos de setembro, durante unha semana, en honor a Virxe do Portal, patroa do Ribeiro. Importante romaría e actividades musicais e folclóricas.

Festa da Vendima: celébrase a mediados do mes de setembro en todo o ribeiro.

Noites do Castelo: actuacións folclóricas, musicais e teatrais durante os fis de semana de xuño a setembro, no castelo.

Feiras e mercados: os días 10 e 25 de cada mes.

Ribadavía non soamente é historia e cultura, tamén é un exuberante xardín verde alimentado por ríos e regatos con belos remansos de paz, onde nenos, pais, mozos e románticos poden alimentar o seu espírito.

Aquí atoparas a posibilidade de facer a túa actividade preferida. Si che gusta a auga atrévete coas actividades náuticas ( piragüismo, remo, vela, winsurf) no rio Avia e no parque náutico de Castrelo.

Si che gusta a montaña e a natureza, entón o sendeirismo a través de míticas rutas medievais "Ruta da historia do viño e do románico". Escalada no conxunto megalítico de Pena Corneira, ou ben recorridos en catamarán polo rio Miño sumerxiranche nun entorno idílico.

Ribadavía está dotada da moitos recursos termais, o ribeiro constitúe un lugar único para disfrutar da augas con poder de curación e relaxación coñecido dende fai séculos.

Dado que no pasado foi punto de encontro de moitos pobos e civilizacións, Ribadavia é unha vila de grande tradición cultural en Galicia. Foco de importantes celebracións e acontecementos do ámbito internacional. Durante todo o ano a capitalidade do ribeiro convertese nun punto de referencia festivo e etnolóxico.

concello  988 477100

Oficina Turismo 988 471275